O departamento de Urbanismo en colaboración coa Policía Local realizou un informe sobre a situación dos garaxes nas principais zonas urbanas do termo municipal. Analizou a situación de centos de garaxes nas zonas de Cambre, A Barcala e Ou Amorne.
Os datos, segundo o Concello, son preocupantes posto que máis dunha vintena deles son ?ilegais? posto que os carteis de vao non teñen número de rexistro nin a oportuna licenza municipal. Ademais, existen nestas parroquias case 80 garaxes sen vao e máis dun centenar non teñen a sinalización viaria (pintado) adecuada ou é inexistente.
Ante estes datos o Concello roga a todos os propietarios destes garaxes que regularicen a situación dos seus garaxes e soliciten os vaos conforme á ordenanza municipal.
Segundo o edil de Urbanismo, Juan González Leirós, moitas destas vivendas tiveron problemas no pasado porque non se lles concedeu a licenza aos seus garaxes por non contar cos elementos que esixe a normativa urbanística. Asegura que cada garaxe ten unha problemática diferente que haberá que estudar para que sexan legalizados.
O goberno local mantén levou a cabo durante os primeiros meses de lexislatura a regularización das terrazas, táxaa da auga, a de lixos ou a de empresas que non pagaban o IBI no Concello. Trátase dunha problemática que en Cambre fíxose crónica e que agora o executivo que dirixe García Patiño trata de poñer en regra.
